Pasko na Naman

Malamig na naman.. Pasko na naman kasi e. At katulad ng mga nakaraang pasko, muli kitang bibisitahin.

Sabi ng pamilya mo, I have to move on. Siguro nga.. Bakit hindi? Pero tingin ko, hangga't may pasko, maaalala pa rin kita.

Muli kong maaalala kung paano mo ko kantahan. Muling sasagi sa isip ko kung paano mo ko patawanin.

Ika-ilang taon na ba simula nung umalis ka? Iniwan mo kasi ako, di man lang tinanong kung gusto ko bang sumama...

Sasama naman ako e, kahit saan. Mas gusto ko yun. Kesa ngayon.. pasko ulet, wala ka na..

Ako? Mananatiling nagtitirik ng kandila at nag-aalay ng bulaklak..

Sa puntod mo...