lumuha ang gabi

sa isang kagubatang puno ng panganib
isang kaluluwa ang tumatakbo
galit... umiiyak... nananaghoy...

sa kalaliman ng gabi'y
wala siyang kasama
kundi ang mga nilalang sa kawalan
na nakatingin at tila nag-aabang...

sa kanyang pagtangis
nakikinig ang lahat ng may buhay
ang gubat ay tahimik
at ang hangi'y marahan

sa pag-ihip nito
ang mga daho'y nangusap
bumubulong...
nag-iimbita...
nag-babadya...

sa kanyang pagtangis,
ang lahat ay nakiisa.
para sa kaluluwang ito...
ang buwan ay lumiwanag...

at para sa kanya,

ang gabi'y lumuha

reposted - originally created October 23 2004