sa iyong paglisan

sa gitna ng dilim, ako'y nag-iisa
iniwanang puno ng lungkot at dusa
pilit na bumangon sa nadamang sakit
tanging iniisip, dahilan kung bakit

ang dating ligaya'y naging lungkot na rin
pangakong iniwa'y nakasakit lang din
ang huling hiling ko'y di mo n dininig
narito ako ngayon, puno ng ligalig

ang dating kasangga'y naglaho, nawala
ako'y di man lamang nabigyang babala
ang makasama ka'y isa nang pangarap
nalayo ka sa 'kin, sa isang iglap

sa iyong paglisan, hindi ko nasabi
halaga mo sa 'kin, pilit itinabi
kung alam mo lamang lihim na pagsinta
gagawin mo kaya, sa ki'y lumisan pa?

2004, reposted - originally created September 28